Qendra HANA në Lezhë hap Thirrjen për Aplikime për Redaksinë Ndërkombëtare Rinore

Në kuadër të projektit EU FACTOR, Qendra HANA fton të rinjtë e motivuar nga Qarku Lezhë, të apasionuar pas medias, rrëfimit të historive dhe krijimit të një ndikimi pozitiv në komunitetin e tyre, të aplikojnë për t’u bërë pjesë e Redaksisë Ndërkombëtare Rinore. Kjo është një mundësi unike për të bashkëpunuar me të rinj nga Shqipëria, Franca dhe Italia, për të zhvilluar njohuri dhe aftësi praktike në gazetarinë qytetare, si dhe për të kontribuar në luftën kundër dezinformimit përmes raportimit të bazuar në fakte.

Kush mund të aplikojë?

HANA Centre kërkon të rinj që:

• Janë 15–29 vjeç;
• Jetojnë ose vijnë nga Qarku Lezhë;
• Janë kureshtarë, të motivuar dhe të interesuar për çështjet e komunitetit;
• Duan të fitojnë përvojë praktike në gazetari qytetare;
• Nuk kanë përvojë të mëparshme në gazetari qytetare, pasi trajnimi do të ofrohet nga projekti.

Çfarë do të bëjnë pjesëmarrësit?

Pjesëmarrësit e përzgjedhur do të:

• Mësojnë si të identifikojnë dezinformimin dhe të verifikojnë informacionin online;
• Prodhojnë artikuj, podkaste dhe video;
• Punojnë me një ekip editorial ndërkombëtar nga Shqipëria, Franca dhe Italia;
• Publikojnë histori dhe arrijnë një audiencë më të gjerë përmes platformës EU FACTOR.

Çfarë do të përfitojnë?

Pjesëmarrësit do të përfitojnë:

• Trajnim në gazetari digjitale, edukim mediatik dhe verifikim faktesh;
• Certifikatë pjesëmarrjeje në një projekt të financuar nga Bashkimi Evropian;
• Mundësi për të publikuar punën e tyre online;
• Bashkëpunim ndërkombëtar dhe ndërkulturor;
• Aftësi të përmirësuara në komunikim, media dhe punë në grup;
• Përvojë të vlefshme që forcon mundësitë e ardhshme arsimore dhe profesionale;
• Mundësinë për të marrë pjesë në aktivitete ndërkombëtare të projektit.

Mundësi gjithëpërfshirëse

Projekti EU FACTOR inkurajon veçanërisht aplikimet nga vajza dhe gra të reja, të rinj nga zonat rurale, të rinj të rikthyer, të rinj romë, të rinj me aftësi të kufizuara, si dhe nga çdo i ri/e re zëri i të cilit/cilës është më pak i përfaqësuar në media. Perspektivat e ndryshme janë thelbësore për ndërtimin e komuniteteve të qëndrueshme dhe të informuara.

Afati i aplikimit

31 korrik 2026

Aplikimet mund të dorëzohen duke plotësuar formularin e aplikimit.

Financuar nga Bashkimi Europian. Pikëpamjet dhe opinionet e shprehura janë vetëm ato të autorit/ëve dhe nuk pasqyrojnë domosdoshmërisht ato të Bashkimit Europian ose të Agjencisë Ekzekutive Europiane për Edukimin dhe Kulturën (EACEA). As Bashkimi Europian dhe as EACEA nuk mund të mbahen përgjegjës për to.